أو

أو

أنت ترغب فى ترشيح الدكتور/ محمد عبد المحسن عطية

أفضل دكتور..بالنسبة لطفلك

دكتور الأطفال في أول سنة للطفل بيبقي جزء مهم من حياة الأسرة مش بس في حالات المرض ، كمان علشان الفحص الدوري للطفل و التأكد من التطور والنمو الطبيعي. ومهم جدا انك تختاري دكتور أطفال مناسب لطفلك علشان تبقي حاسة بالاطمئنان في حالات المرض و يكون عندك مرجع طبي لكل استفساراتك.

ازاي تبدأي عملية البحث؟

تقدري تسألي الأهل و الأصدقاء و كمان تبحثي في شبكة التأمين الصحي الخاصة بك- إن وجد- ، و تقدري تتصفحي ترشيحات الأمهات الأخرين و تقييماتهم لتجاربهم مع دكاترة الأطفال هنا

3 تأكيدات في عملية البحث

1- تتأكدي أن الدكتور حاصل علي ترخيص مزاولة المهنة 2- تتأكدي من تخصص الطبيب في حالة طفلك الطبية اذا كان طفلك يحتاج الي رعاية خاصة (الأطفال المبسترين) 3- تتأكدي من قربه من المنزل

دكتور مناسب...ولا لأ ؟

من المعايير المهمة لاختيار دكتور الأطفال انه يكون متاح للرد علي الاستفسارات الطبية الطارئة في غير أوقات العيادة لأن عادةً الأم بتفضل انها تستشير الدكتور المتابع لحالة الطفل من البداية علشان كده كمان متنسيش تسألي دكتورك هو متاح في حالات الطوارئ و لا لأ و ايه المستشفيات اللي متعاقد معاها.

و طبعا من أكثر الحاجات اللي بتفرق مع الأمهات خصوصا الأمهات لأول مرة هو الاستماع الجيد للأسئلة أثتاء الكشف وطمأنة الأم علي نمو و تطور الطفل الجسدي و العقلي. و من المهم جدا ان الدكتور يعرف الماضي الطبي للطفل و العائلة فمثلا اذا قام الطفل باي عمليات أو ظهور أي علامات للحساسية من بعض الأدوية أو الأطعمة

لازم كمان الدكتور يكون مضطلع علي آخر نشرات الأدوية الحديثة لأن في أدوية تم ادراجها حديثا كأدوية غير آمنة زي الجل المستخدم للتسنين !

و فيه معايير تانية لها علاقة بالعيادة نفسها زي نظافة غرفة الكشف والأدوات المستخدمة ونظافة الممرضات المساعدات ومدة الانتظار للكشف.

وفي النهاية الثقة في الدكتور و الراحة النفسية و الاطمئنان من أهم عوامل الاختيار لأنك محتاجة تثقي تماما في قدرة دكتورك علي التشخيص السليم و حرصه علي صحة وسلامة طفلك.

آلاف الأمهات يستخدمون موقعنا لمعرفة ترشيحات الأمهات الآخرين فاذا كان دكتورك يقابل كل هذه المعايير قومي بترشيحه للآخرين هنا



شارك هذا المقال على


العودة للمدونة