أو

أو

أنت ترغب فى ترشيح الدكتور/ محمد عبد المحسن عطية

الدايت وسنينه!

دي كانت أول كلمة تقولها "مي"..اللي مرت بتجارب كتير جداً في الدايت ووصلت للي هي عايزاه بس بالطريقة الصح.. مي بتحكيلنا تجربتها
" أول حاجة فكرت فيها اني لما أكبر مش هقدر أشيل نفسي وهبقي حمل تقيل علي نفسي و على غيرى،مكنتش بقدر أطلع السلم بسهولة ومكنتش بحب أمشي كتير كنت دايما مش بختار اللبس..اللبس هو اللي بيختارني. قعدت فترة أقول اني هفطر خفيف و أتغدى خفيف ومش هتعشى،أو مش هفطر ومش هتعشى هتغدى بس. و أحياناً كنت بدور علي الريجيم السريع اللي يخسس 5 كيلو في 3 أيام و أكتشفت ان ده كان أكبر غلط و اني كنت بضر جسمي جداً.
لحد ما قررت أروح لدكتور تغذية يساعدني ، الدكتور فرق معايا لأنه عمل لي تحليل يبين نسبة الدهون و العضلات و سألني علي الماضي الطبي بتاعي و الأدوية اللي بأخذها و لو فيه أمراض ضغط أو سكر و ده خلاه يحطلي نظام غذائي صحي مناسب لجسمي و طبيعته و ده طبعاً ساعدني اني أنزل وزني و أحافظ عليه و أتعلم ازاي أختار الأكل المناسب علشان أحافظ علي صحتي و وزني ميزدش"

كلنا بنمر بالمرحلة دي..مرحلة " انتي تخنتي".."مش ناوية تخسي ؟" او مرحلة "حد يعرف ازاي أخس؟"..الحقيقة ان مش المشكلة اننا جسمنا مليان ..المشكلة في الطريقة اللي بنتعامل بيها مع جسمنا..بنتعامل كأنه ماكينة هحرمها من السكريات أو النشويات فترة قصيرة فهتستجيب لينا.

الدايت مش فكرة للتجربة..الدايت يعني حمية غذائية مناسبة لاحتياجات جسمك،وخصوصا لو الجسم بيعاني من أمراض زي الضغط والسكر ومحتاجة متابعة دكتور. الدايت مش أسلوب او طريقة تغذية بنمشي عليها لشهرين تلاتة..لأ ده أسلوب حياة و طريقة تغذية بناء علي احتياجات جسمنا اللي بيعرفها الدكتور عن طريق التحاليل و معرفة أسباب السمنة الحقيقية ، وبناء عليها بيتم وضع خطة غذائية متكاملة تفيد جسمك .
انت اللاعب الأساسي لنجاح أسلوب الحياة الجديد، انت المحرك الأقوي، استعيني بالدكتور و هو أكيد هيشجعك لبداية الحياة الجديدة القائمة علي التغذية الصحيحة و الصحيّة.

لو عندك تجربة ايجابية مع دكتور تغذية شاطر ساعدك و شجعك, شاركها علي موقعنا



شارك هذا المقال على


العودة للمدونة