ملخص تقييمات الدكتور

التعليقات

• Carmella.hanem90

  معاملته سيئة جدًا محدش يروحله يا جماعة .. مش بيراعي تعب المريض و بيكمل شغل عادي لو المريض حس بألم و طول الوقت المرضى بتتألم.. كنت عملت عنده تقويم و فشل فشلا ذريعا.. كان متفق معايا على ٨٠٠٠ج و اشترط اني ادفعله ٤٠٠٠ج مقدما و وافقت.. وبعد تاني جلسة ركبلي التقويم ومكنش طبعا عارفة اتعامل مع اسناني و غسيلها.. قالي بطريقه قليلة الذوق (مابتغسليش اسنانك ليه؟).. و لما اخويا كان معايا قاله اطلع بره مابعرفش اشتغل وحد باصصلي !! و طلع عشان الموقف يعدي.. بعدها طلعت اقعد على الكرسي عشان يشوف اسناني الاقيه بيقولي (اطلعي اكتر يابت يا تخنانه انتي) معرفش مين فهمه ان التعامل ده عادي مع المرضى!! هو مش عمي و لا خالي عشان ياخد عليا كدة!! و يا سلام لما فرحت باسناني شوية و حطيت زبده كاكاو لقيته (بيقولي (ماتحطيش البتاعة دي تاني طالما جيالي!! بقرف.. بيبقى فيه اسلوب احسن من كدة اعتقد!! ال٤٠٠٠ الباقيين كان بيطلب مني كل شهر اسددله جزء منهم و في مرة طلب يبقى فيه جلستين خلال شهر فجيت وانا مش معايا الفلوس اعتقادا مني انه لسه الشهر ماخلصش.. لقيته طلب الفلوس و لما شرحتله ضحك ضحكة سمجة زيه و كأني هسرقه .. أحرجني قدام الممرضة و المساعد بتوعه وخلاني مشيت بسرعه.. بالمناسبة الدكتور المساعد او اللي تحت التدريب كان بيتعامل معامله سيئه جدا منه و كان ساكت.. اللي خلاني سكت كل ده لاني دفعت فلوس للاسف ال٤٠٠٠ مقدم و كنت مضغوطة نفسيا و مش عارفة اخد حقي.. و ده خلاني سيبته اصلا بعد انتهاء سداد ال٨٠٠٠ كاملين و كأني هربت من الجحيم اخيرا.. و روحت فكيت التقويم عند دكتور اي كلام و عملي مثبت للاسنان الشفاف ده ب١٥٠٠ج .. وبعد الفك باسبوعين كانت اسناني اتحركت من مكانها شوية و الموضوع كله باظ بسبب المعاملة الوحشة و سوء اختيار الدكاتره فعلا و عدم التزامي اني البس المثبت لاني كنت كرهاهم و الم الاسنان لا يحتمل .. و اقسم بالله العلي العظيم كلامي كله صدق..

  29 أبريل 2018